«Респираторлық медицинадағы инновациялық технологиялар» атты халықаралық қатысумен өтетін XIV Конгресс

Респираторлық медицина мамандарының қауымдастығы «Астана медицина университеті» коммерциялық емес акционерлік қоғамымен (КеАҚ) бірлесіп, Сізді халықаралық қатысумен өтетін «Респираторлық медицинадағы инновациялық технологиялар» атты XIV Конгрестің жұмысына қатысуға шақыруды мәртебе санайды.

Өткізілетін күні: 2027 жылғы 15–17 сәуір
Форматы: гибридті (онлайн-трансляциямен қатар тікелей қатысу)
Өткізілетін орны: Астана қаласы, Сығанақ көшесі, 45, Beijing Palace Soluxe Hotel Astana

Ұйымдастырушылар

Респираторлық медицина мамандарының қауымдастығы «Астана медицина университеті» КеАҚ-пен бірлесіп.

Конгрестің мақсаты

Конгрестің мақсаты — тыныс алу органдары ауруларын диагностикалауға, емдеуге және олардың алдын алуға қатысты заманауи дәлелді тәсілдерге сәйкес, коморбидтілік және пәнаралық өзара іс-қимыл мәселелеріне ерекше назар аудара отырып, кәсіби білім мен клиникалық тәжірибе алмасуға жәрдемдесу.

Конгрестің ғылыми жетекшілері

• Мукатова Ирина Юрьевна — медицина ғылымдарының докторы, профессор, «АСРМ» қоғамдық бірлестігінің (ҚБ) төрағасы.
• Амелина Елена Львовна — медицина ғылымдарының кандидаты, Ресей Федералдық медициналық-биологиялық агенттігінің (ФМБА) «Пульмонология ғылыми-зерттеу институты» федералдық мемлекеттік бюджеттік мекемесі (ФГБУ) муковисцидоз зертханасының жетекші ғылыми қызметкері, Еуропалық муковисцидоз қоғамының (ECFS) диагностика жөніндегі сарапшылар жұмыс тобының мүшесі.
• Винников Денис Владимирович — медицина ғылымдарының докторы, профессор, әл-Фараби атындағы Қазақ ұлттық университетінің (ҚазҰУ) денсаулық және қоршаған орта ғылыми-практикалық зертханасының меңгерушісі
• Белевский Андрей Станиславович — медицина ғылымдарының докторы, профессор, Ресей Респираторлық Қоғамының Президенті
• Фомина Дарья Сергеевна — медицина ғылымдарының докторы, доцент, Мәскеу қалалық аллергология және иммунология ғылыми-практикалық орталығының (МГНП ЦАИ) басшысы, ГБУЗ "ГКБ 52 ДЗМ" (Мәскеу қаласы Денсаулық сақтау департаментінің № 52 қалалық клиникалық ауруханасы — мемлекеттік бюджеттік денсаулық сақтау мекемесі), Ресей Денсаулық сақтау министрлігі И.М. Сеченов атындағы Бірінші Мәскеу мемлекеттік медицина университетінің (МГМУ) клиникалық иммунология және аллергология кафедрасы, Мәскеу қаласының бас аллерголог-иммунологы

Ұйымдастыру комитеті барлық мүдделі мамандар мен компанияларды Конгрестің жұмысына қатысуға шақырады.

Ғылыми бағдарлама

Конгрестің ғылыми бағдарламасы респираторлық медицина мен сабақтас пәндердің өзекті мәселелеріне арналған пленарлық отырыстарды, тақырыптық дәрістерді, шеберлік сыныптарын және жетекші шетелдік әрі қазақстандық сарапшылардың қатысуымен клиникалық талдауларды өткізуді көздейді.

Мақсатты аудитория

Пульмонологтар, фтизиатрлар, терапевтер, педиатрлар, жалпы практика дәрігерлері, функционалдық диагностика мамандары, инфекционистер, аллергологтар, кардиологтар, торакальды хирургтар, рентгенологтар, реаниматологтар, реабилитологтар, морфологтар, денсаулық сақтауды ұйымдастырушылар және басқа да мамандар.